Panaikulam

நமதூரிலும் அதன் சுற்றுப்புற ஊர்களிலும் பேசப்படும் சில வார்த்தைகளை தமிழகத்தில் வேறு எங்கும் கேட்க முடிவதில்லை. இந்த வார்ததைகளில் சில  செந்தமிழாகவும், சில பிற மொழிக் கலப்பாகவும் இருக்கின்றன. வளர்ந்து வரும் நவீன ஊடகங்களின் தாக்குதல்களினால் இன்றைய கால கட்டத்தில் தமிழகத்தின் பல்வேறு பகுதிகளிலும் பேசப்படும் தனித்துவ பேச்சு வழக்கு தமிழ் மெல்ல மெல்ல மறைந்து வருகின்றது.  திரைப்படம், தொலைக்காட்சி, வானொலி மற்றும் வெகுஜன பத்திரிக்கைகளில் புழங்கப்படும் வார்த்தைகள் ஒரே மாதிரியாக இருக்கின்றன. பெரும்பாலான பொது மக்கள் வெளியூர்களுக்கு செல்லும் போது இது போன்ற பொதுவான தமிழையே உபயோகிக்க பெரிதும் விரும்புகின்றனர். இந்த போக்கு அவர்களை நகரத்து ஆட்டோ காரர்களிடம் ஏமாறுவதிலிருந்து தற்காலிகமாக காப்பாற்றினாலும், காலப் போக்கில் சிறு சிறு குழுக்களாக பிரிந்து வாழ்ந்த மக்களின் அடையாளமாக விளங்கிய பிரத்தியேக வார்த்தைகளை காலச்சக்கரத்தின் தடங்களுக்கிடையே  புதைத்து விடுகிறது. இது கால மாற்றத்தாலும், மொழியின் பரிணாம வளர்ச்சியாலும் ஏற்படும் பொதுவான மாற்றமே என்றாலும், கேட்டு, பேசி, புழங்கிய வார்த்தைகள் கண் முன்னே வழக்கொழிந்து போவதை காணச் சகிக்க இயலாது எந்த மொழி ஆர்வலராலும்.

இந்த ரீதியில் யோசித்துக் கொண்டுருக்கும் போது, இப்படி நமதூரில் வழக்கொழிந்த, வழக்கொழிந்து கொண்டிருக்கின்ற மற்றும் நமதூரில் மட்டுமே பிரத்தியேகமாக பயன்படுத்தப்படும் வார்த்தைகளை ஒரு பட்டியல் போட்டால் என்ன என்று தோன்றியது. இப்படி செய்தால், ஒரு கலாசாரத்தைப் பதிவு செய்த மாதிரியும் இருக்கும் என்று தோன்றுகிறது. மேலும் மொழி ஆர்வலர்களின் ஆய்வுக்கும் இது பெரும் உதவியாக இருக்கும். கீழ்க்கண்ட பட்டியலில் பனைக்குளத்து வார்த்தைகள், அவற்றுக்கான பொருள் மற்றும் இவைகளுக்கு நிகரான ஆங்கில வார்த்தைகளையும் கொடுத்துள்ளேன்.  தற்போது என்னுடைய ஞாபகத்தில் இருந்தவைகளை கொடுத்துள்ளேன். இந்தக் கட்டுரையை வாசிக்கும் சகோதரர்கள் தங்களுக்கு ஞாபகம் வரும் வார்த்தைகளை கீழே கருத்துப் பகுதியில் சொன்னால் அவற்றை சேர்த்துக் கொள்கிறேன்.

பங்களிப்பு  செய்தவரகள்: ஜனாப் ஆதம் முஹம்மது, ஜனாப் ஜியா